Саха уола скайраннинг көрүҥэр Россия сүүмэрдэммит хамаандатыгар киирдэ

Эрхан Бысыин муора таһымыттан икки тыһыынча миэтэрэ үрдүк хайалаах сиринэн түргэнник сүүрүгэ Россия сүүмэрдэммит хамаандатыгар киирдэ.

Спортсмен билигин альпинизм көрүҥэр дойду чөмпүйэнээтигэр бэлэмнэнэ сылдьар. Саха уола Москва куоракка «Крылатские холмы» диэн комплекска түһүүлээх-тахсыылаах, экстремальнай ноҕуруускалаах күрэххэ бэлэмнэнэр. Спортсмены норуоттар икки ардыларынааҕы кылаастаах спорт маастара Елена Рухляда эрчийэр.

Саха уола сүүрүгэ спорт маастарыгар кандидат, кини ордук 30-40 килэмиэтирдээх уһуну сүүрэрин ордорор. «Бу сыллааҕы сыалбынан альпенизмҥа маастар нуорматын толорон, 2021 сылга Россия сүүмэрдэммит хаамндатыгар киирии буолар», — диэн Эрхан Бысыин кэпсээтэ.

Эрхан Бысыин 2017 сыл атырдьах ыйыгар 34 килэмиэтири алта чаас уонна биир мүнүүтэ иһигэр сүүрбүтэ. 2020 сылга 12 килэмиэтирдээх уһуҥҥа трейлраннинг кубогын бастакы сүһүөҕэр боруонса мэтээли ылары ситиспитэ.