Саха сирин хамаандата хоккейга боруонса мэтээли ылла

Тохсунньу 8 күнүгэр Старый Осколга ыытыллыбыт «Рождественский кубок КМАПЖС» турнирга 2011 сыллаах төрүөх оҕолор ыккардыларыгар Саха сирин талыллыбыт хамаандата үһүс миэстэни ылла.

Күрэхтэһии тохсунньу 5-8-с күннэригэр ыытылынна. Тамобов хамаандатын 5:3 ахсаанынан кыайан өрөспүүбүлүкэ хоккеистара үһүс миэстэни ыллылар. Турнирга Саха сирин хамаандата биэс хотуулаах уонна икки хотторуулаах таҕыста.

Бастакы миэстэни «Русь из Москвы» хоккей кулууба, иккис миэстэни Тула куораттан сылдьар «Баабыр» хамаандата ылла. Саха сирин хамаандатыгар Нерюнгри куорат «Эрчим» уонна Дьокуускай куорат «Полярнай бөрөлөр» хоккей кулуубугар дьарыктанар 17 оҕо оонньоото.

Күрэхтэһиигэ Москва, Тула, Старый Оскол, Чернянка куораттарыттан уонна Московскай, Воронежскай, Тамбов уобаластарыттан аҕыс хамаанда кыттыыны ылла.