Худуоһунньук Кыыдаана Игнатьева Чурапчыга мурал уруһуйдаата

НВК САХА — Чурапчыга Кыыдаана Игнатьева «Аттаах кыыс» диэн муралын уруһуйдаан түмүктээтэ.

Худуоһунньук аҕыс күн устата «LETO YAKUTIA» бэстибээл чэрчитинэн хас даҕаны этээстээх дьиэ эркинин киэргэттэ.

«Хартыына төрөөбүт Чурапчыбар харысхал буолуоҕа диэн эрэнэбин. Аҕа көлүөнэ дьон уруһуйбун сөбүлээбиттэрин истэн үөрдүм», — диир Кыыдаана. Ону кытта нэһилиэк олохтоохторо «Айылгы» култуура киинигэр тардыллыбыт быыстапкатын көрүөхтэрин сөп.

Арт-эбийиэги үөрүүлээх быһыыга-майгыга балаҕан ыйын 7 күнүгэр арыйыахтара.