«Иччи» сахалыы киинэ Венаҕа киинэ бэстибээлигэр кыттыаҕа

Саха режиссера Костас Марсан «Иччи» киинэтин Венаҕа фантастика киинэлэр бэстибээллэригэр көрдөрүөхтэрэ. Бу туһунан «Саха» НКИХ иһитиннэрэр.

«Арт Дойду» киинэ хампаанньата бу туһунан бэйэтин Instagram аккаунугар суруйда.

«Иччи» хартыына «Бастыҥ хартыына» анал аакка номинацияланна. Балаҕан ыйын 18 уонна 19 күннэригэр көрдөрүллүөҕэ.

Slash Film Festival — Австрия биллэр фантастика киинэлэр бэстибээллэрэ. Манна ужас, научнай фантастика, фэнтези уонна анимация курдук жанрдаах бастыҥ киинэлэрэ талыллан көстөллөр.

Маны тэҥэ «Иччи» сахалыы киинэ Ситджес куоракка норуоттар икки ардыларынааҕы киинэ бэстибээлигэр уонна Лиссабоҥҥа ужастар бэстибээллэригэр кыттара былааннанар.