Икки сөмөлүөт Нерюнгрига саппаас аэродромҥа ыытыллыбыт

Алтынньы 21 күнүгэр Москва — Дьокуускай хайысханна көтөн испит «Аэрофлот» уонна «Якутия» авиахампаанньалар Boeing 737-800 икки сөмөлүөттэрэ, Нерюнгри куоракка баар саппаас аэродромҥа ыытылыннылар.

«Аэрофлот» авиахампаанньа сөмөлүөтэ күн дьыл туругуттан, туман уонна түһэр балаһа сатаан көстүбэт буолбутуттан сылтаан сатаан олорбото. Инники «Якутия» авиахампаанньа ЯК-474 рейса эмиэ Нерюнгрига баар саппаас аэродромҥа ыытыллыбыта. Билиҥҥи туругунан туман ааһан эрэр. «Глобус» авиахампаанньа сөмөлүөтэ кэлэн түстэ», – диэн Дьокуускай аэропорда иһитиннэрдэ.

Дьокуускай аэропордугар, бу рейстар олохтоох бириэмэнэн сарсыарда 09.10 уонна 06.20 чааска көтөн кэлиэхтээх эбиттэр.