Ил Дархан: Арктикаҕа бырамыысыланнас сайдыытын өйүүбүт

Ил Дархан Айсен Николаев Арктика сайдыытын стратегиятыгар Саха сирэ көхтөөхтүк кыттарын бэлиэтээтэ. Бу туһунан РИА Новости суруйар.

«Арктика — улахан регион. Саха сиригэр бу уопсайынан инники сайдыы боппуруоһа буолар. Манна Уһук Илини уонна Арктиканы сайыннарыы министиэристибэтин кытта күүскэ үлэлэһэбит. Юрий Трутнев салалталаах бырабыыталыстыба хамыыһыйатын кытта эмиэ ыкса үлэлиибит, этиилэрбитин ыытабыт», – диир Айсен Николаев.

Итиэннэ Ил Дархан Арктикаҕа бырамыысыланнас сайдыытын өйүүрүн биллэрдэ. Онуоха төрүт норуоттар уонна олохтоох дьон олоҕун хаачыстыбата тупсуохтааҕын, нолуокка льгота, социальнай эбийиэктэри тутуу барыахтааҕын бэлиэтээтэ.