Ил Дархан бирииһигэр ат сүүрдүүтэ от ыйын 4 күнүгэр буолуоҕа

Дьокуускай куоракка Ил Дархан Айсен Николаев бирииһигэр ат сүүрдүүтэ, от ыйын 4 күнүгэр буолуоҕа. Бу туһунан Айсен Николаев иһитиннэрдэ.

«Тыа сириттэн даҕаны, куораттан даҕаны миэхэ элбэх киһи суруйда, көрдөстө. Ат сүүрдүүтэ диэн саха дьон бары даҕаны сөбүлүүр үгэспит буолар. Бэрээдэги тутуһан кураанах трибуналаах от ыйын 4 күнүгэр ыытыахпыт», — диэтэ кини.

Ат сүүрдүүтэ Арктикатааҕы судаарыстыбаннай агротехнологическай университет стадионугар буолуоҕа. Быйыл көрөөччүтэ суох ыытыллыаҕа.

Бириис фондата 2020 сылга 5 мөлүйүөҥҥэ диэри үрдээтэ.