Ил Дархан харыйатын кыттааччыларыгар онлайн-симиэнэ ыытыллыаҕа

Ахсынньы 15-28 күннэригэр Ил Дархан харыйатын стипендиаттарыгар «Саҥа дьыл абылаҥа» онлайн-симиэнэ ыытыллыаҕа. Бу туһунан СӨ үөрэххэ министиэристибэтин пресс-сулууспата иһитиннэрэр.

«Саха сирин бары улуустарыттан сылдьар 700 оҕо: туйгун үөрэнээччилэр, активистар, бастыҥ спортсменнар, бүтүн Россиятааҕы уонна өрөспүүбүлүкэтээҕи куонкурустар, бэстибээллэр, күрэхтэһиилэр, олимпиадалар кыайыылаахтара уонна бириистээх миэстэлэрин хаһаайыттара бу күннэргэ онлайн мустуохтара», — диэн этиллэр.

«Бэс чагда» оҕолору сайыннарар уонна чэбдигирдэр киин кэллэктиибэ 14 күннээх анал бырагырааманы бэлэмнээтэ. Оҕолору араас хабааннаах тэрээһиннэр, профориентационнай көрсүһүүлэр күүтэллэр.

2020 сылга коронавирус инфекциятыттан олохтоммут уустук балаһыанньанан сибээстээн Ил Дархан харыйата онлайн быһыылаах ыытыллыаҕа.