Ил Дархан: Хотугу форум хотугу полюс бары дойдуларын түмтэ

Хотугу форум хотугу полюс бары дойдуларын, ону тэҥэ Арктика сайдыытыгар интэриэстээх Азия дойдуларын бэрэстэбиитэллэрин түмтэ, диэн өрөспүүбүлүкэ Ил Дархана «Саха сирэ, иннин диэки!» («Якутия, вперед!») биэриигэ кэпсээтэ.

«Арктика сайдыытыгар интэриэстээх уонна онно кыттыыны ылыан баҕалаах Америка, Канада курдук хотугу полюска киирсэр бары дойдулар бэрэстэбиитэллэрэ, ону тэҥэ Кытай, Япония и Корея курдук Азия дойдулара кыттыылаах олус суолталаах тэрээһин ааста», – диэн Айсен Николаев кэпсээтэ.

Хотугу форум бэлиитикэттэн тутула суох, ону таһынан култуурнай уонна социальнай эйгэҕэ бииргэ үлэлээһин уонна Арктика регионнарын иннигэр турар аан дойду таһымнаах боппуруостары дьүүллэһэр былаһаакка буоларын дакаастаата, диэн бэлэтээтэ.

Үгүс кытааччы форум сылын ахсын Дьокуускай куоракка ааһарын туһунан баҕа санааларын үллэстибиттэрин эттэ.