Ил Дархан историческай-архитектурнай киини тутууну түргэтэтэргэ сорудахтаата

Ил Дархан Айсен Николаев бырабыыталыстыбаҕа уонна куорат дьаһалтатыгар «Эргэ куорат-2» архитектурнай киини оҥорууну түргэтэтэргэ сорудахтаата.

Кини киин тутуллуохтаах сирин көрдө уонна манна турар чааһынай дьиэлэр олохтоохторун кытта көрүстэ. «Дьиэлэр ууга барбыттарын иһин сир учаастагын бэйэлэрэ дьаһайар кыахтара билигин суох, ол иһин кэлэр ыйдарга бу боппуруоһу быһаарар гына дьаһаныахха наада, дьоҥҥо төһө кэминэн саҥа дьиэҕэ сертификат эбэтэр сирдэрин оннугар харчынан компенсация бэриллэрин», — диэтэ Айсен Николаев.

«Эргэ куорат-2» былаһаакка Дьокуускай 55-с кыбаарталыгар тутуллуоҕа. 19-20-с үйэтээҕи историческай дьиэлэри көһөрүү, тутуу үлэтэ барыахтаах.