Ил Дархан көмөлөһөөччүтэ Ирина Ефимова дуоһунаһыттан уурайда

Ирина Ефимова Ил Дархан Айсен Николаев көмөпөһөөччүтүн дуоһунаһыттан уурайда. Бу туһунан өрөспүүбүлүкэ баһылыга бэйэтин Twitter аккаунугар суруйда.

«Ирина Владиславовна Ефимова атын үлэҕэ көһөрүнэн сибээстээн, дуоһунаһыттан босхолонно», – диэн этиллэр.

Ил Дархан саҥа көмөлөһөөччүтүнэн инники СӨ баһылыгын уонна бырабыыталыстыбатын информационнай бэлиитикэҕэ уонна маассабай коммуникацияларга департаменнарын салайааччытынан үлэлии сылдьыбыт Афанасий Ноев ананна.