Ил Дархан Өктөмҥө буолбут баһаарга эмсэҕэлээбиттэргэ көмөлөһөргө соруйда

Ил Дархан Айсен Николаев Хаҥаласка буолбут баһаарга суорума суолламмыттар аймахтарыгар уонна чугас дьонноругар дириҥ кутурҕанын биллэрдэ, ону тэҥэ эмсэҕэлээбиттэргэ көмө оҥорорго соруйда. Бу туһунан СӨ баһылгын уонна бырабыыталыстыбатын дьаһалтатын пресс-сулууспата иһитиннэрэр.

Бүгүн, муус устар 8 күнүгэр бырабыыталыстыба бэрэссэдээтэлин бастакы солбуйааччыта Дмитрий Садовников өрөспүүбүлүкэтээҕи ыксаллаах быһыыга-майгыга хамыыһыйа мунньаҕын ыытыаҕа.

Санатар буоллахха, муус устар 7 күнүгэр Хаҥалас улууһун Чапаево бөһүөлэгэр икки этээстээх элбэх кыбартыыралаах дьиэҕэ түөрт киһи, ол иһигэр икки оҕо, өлүүлээх баһаар таҕыста. Олохтоохтор аймахтарынан уонна быстах кэмҥэ олохтуур пуунунан тарҕастылар. Баһаар тахсыбыт төрүөтэ, буруйдаах уонна хоромньу кээмэйэ быһаарыллар.