Ил Дархан: «Үөрэх систиэмэтин уларытыахпыт»

НВК САХА — Өрөспүүбүлүкэҕэ үөрэх систиэмэтэ уларыйыаҕа. Бу туһунан Айсен Николаев «Ил  Дарханныын кэпсэтии» биэриигэ эттэ.

«Биир да оскуола сабылыа суоҕа диэн өссө төгүл этэбин. Оскуолабытын уларытыахтаахпыт. Быйылгы БКЭ түмүгэ көрдөрбүтүнэн, холобур, математикаҕа 8-9 эрэ бааллаах выпускниктар бааллар. Маннык оҕолор колледжка даҕаны киирэр кыахтара суох. Онон үөрэх систиэмэтин уларытарга уолдьаста.

Учууталлар уларыйыы наадатын өйдөөтүлэр. Оҕо туохха дьоҕурдааҕын быһаарыахтаахпыт. Биир хайысханан үөрэнэн баран, олох атыҥҥа барар дьон элбэх. Ол иһин онно эмиэ систиэмэ наада», — диэтэ кини.  

«Ил Дарханныын кэпсэтии» биэриини nvk-online.ru сайтка көрүөххүтүн сөп. Айсен Николаев Саха сирэ сайдыытыгар санаатын, бэйэтин көрүүтүн, үлэтин туһунан кэпсээтэ уонна олоххо-дьаһахха, норуот инникитигэр анаарыыларын үллэһиннэ.