Ил Дархан табаһыттар династияларын Гранын Нерюнгри дьиэ кэргэнэ ылла

Ил Дархан табаһыттар династияларыгар 2020 сыллааҕы Гранын Нерюнгри оройуонуттан сылдьар Семеновтар ыллылар. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Семеновтар «Нюрмаган» диэн табаһыттар удьуордара буоллаллара уонна өбүгэлэрин дьарыгын салгыыллара бэлиэтэнэр. Элбэх оҕолоох дьиэ кэргэн таба иитиитинэн уонна булдунан дьарыктанар, үгэс буолбут көһө сылдьар ыстааданан олорор.

Ыал аҕа баһылыга Виктор Семенов Иенгра сэлиэнньэтигэр «Золотинка» тэрилтэҕэ биригэдьиир-табаһытынан үлэлиир. Кини манна 16 сааһыттан совхозка табаһытынан үлэтин саҕалаабыт.

Дьиэ кэргэн сэлиэнньэ уопсастыбаннай олоҕор көхтөөх кыттыыны ылар, бары ыытыллар тэрээһиннэри көтүппэт. Чөл олоҕу тутуһар. Оҕолор спордунан дьарыктаналлар, «Юктэ» фольклорнай ансаамбылга үҥкүүлүүллэр уонна ыллыыллар.

Саха сирин Ил Дарханын табаһыттар династияларыгар Грана таба иитиитин өйүүр, табаһыт идэтин өрө тутар, удьуор утумун салгыыр уонна Саха сиригэр табаһыттар династияларын дьиэ кэргэнин сайдыытын көҕүлүүр соруктаах 2019 сыллаахтан олохтоммута.