Ил Дархан: «Уларыйыыттан куттаныа суохтаахпыт»

НВК САХА – Аан дойдуга буола турар уларыйыыларга саха дьоно хайдах дьаһаныахтаахтарын туһунан Айсен Николаев «Ил  Дарханныын кэпсэтии» биэриигэ эттэ.

«Уларыйыыттан киһи куттаныа суохтаах. Аан дойдуга барытыгар оннук. Төттөрүтүн уларыйыыга олорсоммут, ону баһылаан, инники күөҥҥэ сылдьыахпытын наада. Оччоҕо биһиги курдук аҕыйах ахсааннаах нэһилиэнньэлээх өрөспүүбүлкэ сайдар кыахтанабыт.

Оҕолорбутун билиҥҥи олох ирдэбилигэр үөрэтиэхтээхпит. Уопсайынан, бары үөрэниэхпитин наада – оҕоттон Ил Дархаҥҥа тиийэ. Сирбитин харыстаан салгыы сайыннарыахтаахпыт. Онно өй уонна култуура наада», — диир кини.

«Ил Дарханныын кэпсэтии» биэриини nvk-online.ru сайтка көрүөххүтүн сөп. Айсен Николаев Саха сирэ сайдыытыгар санаатын, бэйэтин көрүүтүн, үлэтин туһунан кэпсээтэ уонна олоххо-дьаһахха, норуот инникитигэр анаарыыларын үллэһиннэ.