Ил Дархан Усуйаана табаһыттарын кытта көрүстэ

НВК САХА — Бугун Ил Дархан Усуйаана улууһун Дьүкээгир нэһилиэгиттэн сылдьар табаһыттары кытта көрүстэ.

Санаттахха, балаҕан ыйын 11 күнүгэр сэрэхтээх буолуу федеральнай сулууспатын пограничниктара табаһыттар баазаларыгар тиийэн докумуона суох дьону Тиксигэ бөртөлүөтүнэн илдьибитэ. Ол кэннэ кимнээх буоллалларын быһааран баран төттөрү Усуйаана улууһугар тириэрдибэтэх.

Тиксииттэн Дьүкээгиргэ диэри суол-иис суох буолан, табаһыттар дойдуларыгар бараары Дьокуускайга бэйэлэрин харчыларынан көтөн кэлбиттэр. Салгыы дойдуларыгар төннөллөрүгэр үс киһиэхэ 200-тэн тахса тыһыынча солкуобай ирдэнэр.

Бүгүн Айсен Николаевы кытта көрсүһүүгэ, «Табайаана» үлэлиир тэрилтэлэрэ үс киһи айанын төлөбүрүн хамнас суотугар ыытта диэн табаһыттар эттилэр. Ону өрөспүүбүлүкэ салалтата толуйуохтаах.

Ил Дархан Арктика дьыалаларын  министиэристибэтигэр, хотугу аҕыйах ахсааннах норуоттар боломуочунайдарыгар пограничниктары, Россия сударыстыбаннай уорганнарын Саха сиринээҕи салааларын уонна өрөспүүбүлүкэ 5 Арктическай улуустарын баһылыктара кыттыылаах видеоконференция ыытарга сорудахтаата.