Ил Түмэн бырабыыталыстыба дуоһунастарыгар хандьыдааттары бигэргэттэ

Ил Дархан Айсен Николаев бүгүн, сэтинньи 10 күнүгэр Ил Түмэн XXI-с уочараттаах пленарнай мунньаҕар өрөспүүбүлүкэ бырабыыталыстыбатын дуоһунастарыгар хандьыдааттары билиһиннэрдэ. Бу туһунан СӨ баһылыгын уонна бырабыыталыстыбатын дьаһалтатын пресс-ссулууспата иһитиннэрэр.

Ол курдук, бүгүҥҥү уочараттаах мунньахха Андрей Тарасенконы — Саха өрөспүүбүлүкэтин бырабыыталыстыбатын бэрэссэдээтэлин дуоһунаһыгар хандьыдаатынан анааһын, Кирилл Бычковы — өрөспүүбүлүкэ бырабыыталыстыбатын бэрэссэдээтэлин бастакы солбуйааччытын дуоһунаһыгар хандьыдаатынан анааһын, Сергей Местниковы уонна Михаил Никифоровы – өрөспүүбүлүкэ бырабыыталыстыбатын бэрэссэдээтэлин солбуйааччыларын дуоһунастарыгар хандьыдааттарынан анааһын боппуруостара көрүллүннүлэр.

Норуодунай дьокутааттар дьүүллэһии кэнниттэн бары хандьыдааттары кистэлэҥ куоластааһын бүлүтүөннэригэр киллэрэр туһунан быһаарыы ылыннылар.