Инаглинскайдааҕы ХЭК иккис уочарата үлэҕэ киириитэ үлэ миэстэтин элбэтиэ

«Инаглинскайдааҕы» шахта иккис уочаратын үлэҕэ киллэрии үлэ миэстэтин ахсаанын 1900-кэ диэри элбэтэр кыах биэриэҕэ. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

«Күн бүгүн шахтаҕа 645 киһи үлэлиир, иккис уочарат үлэҕэ киирдэҕинэ үлэһит ахсаана 1900 киһиэхэ тиийэ элбиэҕэ», — диэн этиллэр.

Дойду үрдүнэн биир саамай улахан «Инаглинскайдааҕы» таас чох шахтата уонна «Инаглинскайдааҕы-2» хайаны байытар фабрика иккис уочараттарын үлэҕэ киллэрии, Россияны таас чоҕу оҥорон таһаарыыга уонна экспорка аан дойду үс лидердэрин кэккэтигэр бигэтик бигэргэтиэ.

Санатар буоллахха, балаҕан ыйыгын 10 күнүгэр Нерюнгри оройуонугар Россия үрдүнэн биир саамай бөдөҥ «Инаглинскайдааҕы-2» хайаны байытар фабрика уонна «Инаглинскайдааҕы» шахта үлэлэрин саҕалаабыттара.