Индигирдээҕи бөлөх улуустарга таба иитиитин сайыннарыахтара

Өрөспүүбүлүкэ Арктикатын Индигирдээҕи бөлөх улуустарыгар таба иитиитин сайыннарыы тутаах хайысханан буолуоҕа.

Бу оройуоннар киэҥ-куоҥ мэччирэҥнээхтэрэ хайысханы талыы төрүөтүнэн буолбута бэлиэтэнэр. Маны таһынан балыктааһыны сайыннарыы, сэлии муоһун хостооһуну бэрээдэктээн, салгыы оҥорон таһаарыыны тэрийии былааннанар.

Санатар буоллахха, инники өрөспүүбүлүкэҕэ 2035 сылга диэри Арктика сирин-уотун сайыннарыы стратегическай былаана бигэргэммитэ.

Арктика социальнай-экономическэй сайыдыыта биэс хайысханан ыытыллыаҕа — социальнай, бырамыысыланнай, транзитнай, экологическэй уонна инновационнай.

Докумуоҥҥа Саха сирин арктикатааҕы улуустара өрүстэр тардыыларынан бөлөхтөргө араарылыннылар — Анаабырдааҕы, Өлүөнэтээҕи, Дьааҥытааҕы, Индигирдээҕи уонна Халыматааҕы. Хас биирдии бөлөххө туспа сайдыы сүһүөхтэрэ ыйылыннылар.

Үүнүү тирэх кточкаларынан улуус кииннэрэ буолуохтара. Дьааҥы, Уус Куйга, Үрүҥ Хайа, Казачье уонна Күһүүр курдук идэтийбит экономическэй хайысхалаах нэһилиэнньэлээх пууннарга ураты болҕомто ууруллуоҕа.