«Инникигэ хардыы» конференция иккис түһүмэҕэр 700-тэн тахса бырайыак ааста

Өрөспүүбүлүкэтээҕи «Инникигэ хардыы» оскуола үөрэнээччилэригэр аналлаах научнай конференция иккис түһүмэҕэр 700-тэн тахса бырайыак ааста. Бу туһунан СӨ Үөрэх министиэристибэтин пресс-сулууспата иһитиннэрэр.

Саамай элбэх бырайыагы үс секция иһиттэ. Ол урдук «Тыа хаһаайыстыбатын науката» секцияҕа 37, «Техническэй наука» секцияҕа 32 уонна «Экологическэй наука» секциятыгар 30 бырайыак көрдөрүллүбүт.

Олор истэригэр Хаҥалас улууһун Уулаах Аан оскуолатын алтыс кылааһын үөрэнээччитэ Лев Максимов. Кини хотону ыраастыыр оруобаты оҥорон таһаарбыт. Нам улууһун Хомустаах оскуолатын тохсус кылааһын үөрэнээччитэ Айыына Осипова сүбүөкүлэттэн кофе оҥорор туһунан кэпсээтэ.

2020 сылга өрөспүүбүлүкэ эдэр экономистара оҕолорго анаан «Инникигэ көрүү» диэн социальнай экономическэй күрэхтэһиини, кейс чемпионаты уонна профориентационнай деловой оонньууну тэрийэн ыыттылар.

Конференция кыттыылаахтара научнай коллаборация дьиэтигэр сылдьан араас үөрэҕирии бырайыактарын кытта билсистилэр, биотехнологияҕа, геоматикаҕа, шахмакка, шашкаҕа, аналлаах маастар кылаастарга, «Кванториум» оҕо технопааркатын быыстапкатыгар сырыттылар.

Конференция чэрчитинэн «Аһаҕас куйаар» форматынан бастакытын ыытыллыбыт учууталлар көрсүһүүлэрэ буолан ааста.

Тохсунньу 11 күнүгэр Хотугулуу-Илиҥҥи федеральнай үнүбэрситиэтигэр кыайыылаахтары наҕараадалааһын өрөгөйдөөх сабыллыыта буолла.