«Инникигэ хардыы» научнай конференцияҕа 1,2 тыһыынча оскуола оҕото кыттыыны ылла

Өрөспүүбүлүкэтээҕи «Инникигэ Хардыы» научнай конференция түмүгүнэн 35 секция үлэлээбитинэн 34 лауреат, I, II, III истиэпэннээх дипломант аатынан наҕараадаланнылар, ону таһынан 274 үлэни 16 Россиятааҕы уонна норуоттар икки ардыларынааҕы конференцияларга, быыстапкаларга уонна күрэхтэргэ кыттар мэктиэ суруктара туттарылынна. Бу туһунан СӨ Үөрэх министиэристибэтин пресс-сулууспата иһитиннэрэр.

Тохсунньу 11 күнүгэр Хотугулуу-Илиҥҥи федеральнай үнүбэрситиэтигэр кыайыылаахтары наҕараадалааһын өрөгөйдөөх сабыллыыта ааста.

Саха сирин үөрэҕириитин миниистирэ Владимир Егоров эдэркээн чинчийээччилэргэ дьоҕурдарын арыйыы сүдү суолталааҕын бэйэтин эҕэрдэ тылыгар бэлиэтээтэ.

«Эдэркээн сахалар» өрөспүүбүлүкэтээҕи ресурснай киин көҕүлээһининэн сыл ахсын оҕолору эбии үөрэхтээһин бастыҥ тэрилтэтин талыахтара. 2020 сылга I истиэпэннээх диплому Өлүөхүмэ улууһун айар үлэ уонна гуманитарнай үөрэхтээһин киинигэр туттардылар. Бу оскуола оҕолоро иккис сылын конференцияҕа английскай тылыгар үрдүкү билиилэрин көрдөрбүттэрэ.

Ону таһынан муниципалитеттар ыккардыларыгар комнаднай зачет ыытыллынна. Улахан муниципалиттар истэригэр элбэх ахсааннаах делегациялааҕынан Ленскэй оройуона, ортолорго Чурапчы, кыраларга Абый улууһа кыайыылааҕынан таҕыстылар.