Инвестицияны тардыы ааҕыныстыбата Арктика сайдыытын суолталаах сыалларын бэлиэтээтэ

Уһук Илин инвестицияны тардыыга уонна экспорты өйөөһүҥҥэ ааҕыныстыбатын Арктиканы сайыннарыыга диэриэктэрэ Дмитрий Фишкин өрөспүүбүлүкэҕэ арктика территориятын сайыннарыыга суолталаах сыаллары бэлиэтээтэ. Бу туһунан ааҕыныстыба пресс-сулууспата иһитиннэрэр.

«Арктика балаһатын Россия саамай баай сиринэн ааҕыахха сөп – манна хостонор гаас 80 %-нын, ниэп 20 %-нын, 100% кытаанах сир анныттан хостонор баайы ылабы. Бу эйгэ сайдыыта макрорегион инникитин быһаарыа», — диэн Дмитрий Фишкин эттэ.

Аҕыныстыба бэрэстэбиитэлэ Арктика сиригэр урбаан үлэтин өйүүр сокуон барылын уонна Арктика балаһатын 2035 сылга диэри сайыннарыы соругун стратегиятын быһаарар докумуоннары бэлэмнээһин туһунан иһитиннэрдэ.

“Саха сирин Арктикатын сайыннарыы сүрүн суолталаах хайысхаларынан: өрөспүүбүлүкэ хоту өттүн тырааныспар ситиминэн хааччыйар Тикси пуордун саҥардан оҥоруу уонна өрүстэри дириҥэтии; алмаас, Арҕаа Анабаардааҕы ньиэп, Уус Дьааҥыга хорҕолдьун уонна көмүс, Зырянкаҕа таас чох, Томтордооҕу эриэккэй сиртэн хостонор тимир саппаастаах сирдэргэ минеральнай сырьевой кииннэрин оҥоруу буолар”, — диэн кэпсээтэ.