Ититиини биэрэр тэрилтэлэр үлэлэригэр 900-тэн тахса кэһиини буллулар

«Ростехнадзор» Ленскэйдээҕи салалтата ититиини биэрэр тэрилтэлэр үлэлэрин булгуччулаах ирдэбиллэригэр 916 кэһиини булла. Бу туһанан «Ростехнадзор» пресс-сулууспата иһитиннэрэр.

Исписэлиистэр уон ититиини биэрэр тэрилтэ 273 хочуолунайын уонна биир уот ситимин тэрилтэтин бэрэбиэркэлээтилэр. Көһө сылдьар бэрэбиэркэ үс ый устата ыытылынна.

«Булгуччулаах ирдэбилгэ 916 кэһии көһүннэ, ол иһигэр: аварийнай саппаас матырыйааллар уонна чаастар, ону тэҥэ көмүскэнэр тэриллэр суохтара; хочуолунайдарга куттал суох буолуутун хааччыйар автоматика уонна харыстыыр кылаапаннар оҥоһуллубатахтара; хочуолунайдары уонна ититии ситимин тутууларын болдьохтоох кэмигэр техническэй көрүүлэрэ оҥоһуллубатаҕа; алдьаныы уонна атын кэһиилэри арыйар гидравлическай бэрэбиэркэ ыытыллыбатаҕа», — диэн этиллэр.

«Ростехнадзор» Ленскэйдээҕи салалтата аҕыс тэрилтэни уонна 25 дуоһунастаах үлэһиттэри ыстарааптаата. Барыларыгар бу кэһиилэри туоратар туһунан дьаһаллары биэрдэ.