Иван Гоголев — Кындыл 90 сааһыгар анаммыт тэрээһиннэр салҕаналлар

Саха народнай поэта Иван Гоголев — Кындыл быйыл төрөөбүтэ 90 сылын туолар. Үбүлүөйдээх тэрээһиннэр сыл устата төрөөбүт улууһугар, Бүлүүгэ, уонна Дьокуускай куоракка тиһигин быспакка салҕанан барыахтара. Оттон күн бэҕэһээ Ойуунускай аатынан литература түмэлигэр Кындыл олоҕор, айар үлэтигэр анаммыт ахтыы киэһэтэ буолла.

Бу тэрээһиҥҥэ мустубут дьон Иван Гоголев уонна режиссер Федот Потапов айымньылаах үлэлэрин туһунан ахтан-санаан аастылар. Кырдьык, бу икки талааннаах киһи Саха театрын репертуара кэҥииригэр, сайдарыгар элбэх сыраларын уурбуттара. Ол туруоруулара билигин да көрөөччү киэҥ биһирэбилин ылаллар.

Иван Гоголев суруйбут «Сахам сирэ барахсан» ырыаны «Туймаада» ансаамбыл кыттыылаах хор толорон, үбүлүөйдээх тэрээһини киэргэттэ.