Өймөкөөҥҥө хайаны байытар комплексы тэрийиигэ 2,9 млрд.солк. ыытыллыаҕа

2021 сылга «Богуславец» ХЭТ Өймөкөөн улууһугар баар Аччыгый Тарын саппаас баайдаах сиргэ 2,9 млрд. солкуобай сыаналаах хайаны байытар комплексы тэрийэри былаанныыр. Бу туһунан өрөспүүбүлүкэтээҕи нэһилиэнньэ дьарыктаах буолуутугар судаарыстыбаннай кэмитиэт пресс-сулууспата иһитиннэрэр.

2020 сыл атырдьах ыйыгар хампаанньа өрөспүүбүлүкэтээҕи нэһилиэнньэ дьарыктаах буолуутугар кэмитиэтин кытта ‪2020-2022‬ сылларга «Олохтоох каадырдары — бырамыысыланнаска» бырайыак чэрчитинэн, олохтоохтору үлэнэн хааччыйыыга бииргэ үлэлэһии туһунан сөбүлэҥ баттаспыта этиллэр.

Саппаас баайдаах сиргэ көмүһү аһаҕас карьер ньыматынан хостуур буоулохтара. 2021 сылга «Богуславец» 500 киилэ көмүһү хостууру былаанныыр, 2022 сылга бырайыак толору күүһүнэн үлэлээтэҕинэ — 870 киилэ.

Комплекс тутуутун ыытыыттан ураты хампаанньа геологоразведканан дьарыктанар. 2020 сылга геологическай чинчийэри ыытыы үбүлээһинин кээмэйэ 196,8 мөлүйүөн солкуобайга тэҥнэстэ.

Аччыгый Тарын саппаас баайдаах сир С2 категориялаах көмүһүн саппааһа 12,4 тоннанан сыаналанар. Геологическай чинчийии түмүгүнэн, хампаанньа бу көрдөрүү алта туоннанан улаатарын сабаҕалыыр.

ООО «Богуславец» ХЭТ («Золотой Актив» хампаанньалар бөлөхтөрүгэр киирэр) — холдинг Саха сиринээҕи сүрүн хампаанньата Уус Ньара бөһүөлэгэр баазаланар.