Өймөкөөн бириискэтигэр сыбаарка кэмигэр икки эр киһи өллө

Өймөкөөн улууһун Уус Ньара бөһүөлэгиттэн 140 килэмиэтирдээх сиргэ баар көмүс хостуур бириискэ икки үлэһитэ сыбаарка кэмигэр өллүлэр. Бу туһунан Россия силиэстийэлиир кэмитиэтин өрөспүүбүлүкэтээҕи салаатын пресс-сулууспата иһитиннэрэр.

Быһылаан туһунан иһитиннэрии силиэстийэлиир уорганнарга атырдьах ыйын 4 күнүгэр күнүс киирбит. Өлбүт дьон септик металлическэй лииһигэр турба ыытар дьөлөҕөһү сыбааркалыы сылдьыбыттара бэлиэтэнэр.

«Сыбааркалааһын кэмигэр эмискэ эстии тыаһа иһиллибит, ол кэннэ лиис арахсан үлэһиттэр үрдүлэригэр сиҥнэн түспүт. 53 уонна 61 саастаах эр дьон, ылбыт эт-хаан эчэйиилэриттэн миэстэтигэр тыыннара быстыбыт», — диэн этиллэр.

Үлэ куттала суох буолуутун ирдэбилин кэһии бэлиэтинэн уонна быһылаан уопсай хартыынатын сөргүтэр сыаллаах процессуальнай бэрэбиэркэ ыытыллар. Бэрэбиэркэ түмүгүнэн тустаах быһаары ылыллыаҕа.