Күнү-дьылы кэтээн көрөөччүлэр хаһыҥ түһэрин сабаҕалыыллар

Кэлэр үс сууккаҕа өрөспүүбүлүкэҕэ хаһыҥ түһэрэ сабаҕаланар. Бу туһунан күн-дьыл туругун кэтээн көрөр сулууспа иһитиннэрэр.

«Быһа холоон, кэлэр үс күн Бүлүү бөлөх улуустар уонна киин улуустар арҕаа өттүлэригэр 0-тан -2 кыраадыска диэри тымныйара сабаҕаланар», — бу туһунан Дьокуускайдааҕы күн-дьыл туругун кэтээн көрөр сулууспа дьаһалтатын салайааччытын солбуйааччы Татьяна Маршалик.

Өрөбүллэргэ өрөспүүбүлүкэ хоту уонна арҕаа өттүгэр түүнүн уонна күнүһүн сорох сиринэн инчэҕэй хаардаах, сымнаһыар ардах түһэрэ күүтүллэр. Соҕуруу улуустарга этиҥнээх, сорох сиринэн күүстээх, быстах ардах түһүөҕэ.

Түүнүн температура +8 кыраадыска, хотоолго — 2 -гэ, хоту диэки -7 кыраадыска тэҥнэһиэҕэ.