Күпсү чугаһыгар 50 тахса киһи уоту утары охсуһар

51 киһи Уус Майа улууһун Күпсү сэлиэнньэтиттэн чугас баар ойуур баһаарын умулларыыга кыттыыны ылар. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата тириэдэр.

«Улууска 11 ойуур баһаара баар, олортон биирдэстэрэ Күпсү чугаһыгар. Ойуур уотун утары охсуһууга 51 киһи үлэлии сылдьар. Уот локализацияланна», – диэн улуус баһылыга Александр Антипин Ил Дархан Айсен Николаевы кытта көрсүһүү кэмигэр эттэ.

Хаалбыт уон ойуур баһаара авиационнай кэтээн көрүү сиригэр баара бэлиэтэнэр. Олортон иккитэ уот ситимигэр хоромьу таһаарыан сөптөөҕүнэн сибээстээн хонтуруолга тутуллар.