Көрбөт дьон «Олонхо» тыйаатырын испэктээктэригэр сылдьар кыахтаныахтара

Көрбөт уонна куһаҕаннык көрөр дьон «Олонхо» тыйаатырын туруорууларыгар сылдьар кыахтаныахтара. Бу туһунан «Открытые НКО» портал пресс-сулууспата иһитиннэрэр.

Тэрилтэ тыйаатырга тифлокомментированиены тэрийэргэ гыраан сүүйбүтэ этиллэр. Бу үп анал тээбириннэри ыларга уонна исписэлиистэр анал үөрэх ааһалларыгар ыытыллыаҕа.

«Тифлокомментарийы истэргэ кусаҕаннык көрөр көрөөччү киириигэ анал биир наушниктаах рация ылар. Бу рация нөҥүө туспа кабинекка олорор киһи сыанаҕа туох буола турарын кэпсиир», — диэн этиллэр.

2019 сылга тифлокомментарийдаах испэктээк дойду 23 куоратын 35 тыйаатырыгар ыытыллар буолбута бэлиэтэнэр.