Кэбээйи улууһун Сайылык сэлиэнньэтигэр оҕо уһуйаанын тутуохтара

Бу сыл бүтүөр диэри Сайылык сэлиэнньэтигэр оҕо уһуйаанын тутуутугар анаан сири атыылаһыахтара. Бу туһунан өрөспүүбүлүкэ бырабыыталыстыбатын бэрэссэдээтэлэ Владимир Солодов Кэбээйи оройуонугар сылдьан иһитиннэрдэ диэн «Якутия 24» телеханаал тиэрдэр.

Маны таһынан, премьер-миниистир Аһыма — Бэс Күөл — Кэбээйи хайысханан өрөспүүбүлүкэтээҕи суол тутуутун үлэтин көрдө, оройуон социальнай суолталаах эбийиэктэригэр сырытта.

«Дьокуускайтан Кэбээйи сэлиэнньэтигэр диэри саҥа тутуллубут хаачыстыбалаах суолунан биэс чааһынан айаннаан кэллибит. Балаҕан ыйыгар диэри бу суолунан сылы быһа быыстала суох айанныахха сөп буолар чинчилээх диэн быһаардыбыт. Манан ыллахха, Кэбээйини дьон болҕомтотун тардар киининэн оҥоруохпутун сөп», — диир Владимир Солодов.

Бу иннинэ «Якутия 24» телеханаал ахсынньы 1 күнүгэр Кэбээйи сэлиэнньэтигэр түргэн интэриниэти тургутан холбоотулар диэн иһитиннэрбитэ.