«Кэл, олор, сэһэргэһиэх» биэриигэ Иннокентий Тарбахов ыалдьыттаата

НВК САХА — «Кореямедтур» тэрилтэ исписэлииһэ Эльвира Михайлова үлэтин хайысхатын, туох кыһалҕалаах дьон Корея балыыһаларыгар көрдөрө баралларын, тас дойдуга дьону хайдах арыаллаан сырытыннаралларын, туох ирдэбил баарын уо.д.а. хоруйдарга сиһилии эппиэтээтэ.

Алексей Константинов сиэнэ Даринаны циркэ дьоҕуругар уһуйуутун албастарын, туох ситиһиилэхтэрин уонна инники былааннарын туһунан сырдаттылар.

Норуот киэҥ биһирэбилин ылбыт Иннокентий Тарбахов аһы астыыр санаа бастаан туохтан төрүөттэнэн саҕаламмытын, айымньылаах үлэтин хаамыытын уонна кэрдиистэрин туһунан «Кэл, олор, сэһэргэһиэх» биэригэ көрүҥ.

СӨ культууратын туйгуна, ырыа айааччы, ырыаһыт Елена Старостина — Хотун Арылы быйылгы сайыҥҥы сырыыларын, норуоттар икки ардыларынааҕы тэрээһиннэргэ кыттан кэлбитин туһунан сэһэргээтэ.