«Кэрэ кистэлэҥэ» биэриигэ: Саха сирин игирэлэрэ

«Кэрэ кистэлэҥэ» биэриигэ айар куттаах дьон, игирэлэр тустарынан кэпсэттилэр. Ол курдук, «Эн — комсомол» ырыанан ватсабы тилийэ көппүт кырачаан Артем ийэтэ Мария Васильевалыын Ньурбаттан кэлэн ыалдьыттаатылар. «Киэһэ аайы ыллыыр этэ. Биирдэ арыый үчүгэйдик баянныыр уонна ыллыыр буолбутун кэннэ, видеоҕа устан, аймахтарбар ыыппытым. Сарсыныгар билбиппит, дьон-сэргэ барыта билбит, сэргээбит этэ», — диэн кэпсиир Мария.

Ону таһынан, Чурапчыттан игирэ оҕолордоох Рожиттар, игирэ кыргыттар Вера Петрова, Надежда Аянитова уо.д.а. ыалдьыттаатылар.