Киин куорат эбийиэктэрин 73,7 %-на оттук сезонугар бэлэм

Өрөспүүбүлүкэ киин куоратыгар оттук сезонугар бэлэмнэнии былаана 73,7 %-н туолла. Бу туһунан Дьокуускай уокуругун дьаһалтатын пресс-сулууспата иһитиннэрэр.

2156 элбэх кыбартыыралаах дьиэ ититиини биэрэр уонна уунан хаччыйар систиэмэлэрэ ыраастаммыттара этиллэр, бу уопсай былаан 81 %-гар тэҥнэһэр.

Губинскай уонна Киин уокуруктар, Пригороднай уонна Тулагы-Киллэм сэлиэнньэлэр көрдөрүүлэрэ үрдүгүнэн сыаналанна. Автодорожнай уонна Бырамыысыланнай уокуруктар, ону тэҥэ Марха микрооройуонун көрдөрүүлэрэ саамай намыһах.

Мониторинг кэмигэр дьиэ иһинээҕи систиэмэлэртэн ыллылыбат 40 боруобаттан, 10-на микробиологическэй уонна санитарно-химическэй көрдөрүүлэрэ ирдэбилгэ эппиэттээбэттэрэ биллиннэ. Ирдэнэр түгэнигэр олору хаттаан ыраастааһын ыытыллыаҕа.

Маны таһынан 121 уһуйаантан уонна оскуолаттан, 100-гэр систиэмэлэр ыраастааһыннара ыытыллыбыта этиллэр. Бу эбийиэктэр 66 %-гар тэҥнэһэр.

Доруобуйа харыстабылын 70 тэрилтэтиттэн 34-гэр ыраастааһын ыытылынна. Култуура уонна духуобунай сайдыы салаатын 30 эбийиэгиттэр — 24-гэр.