Киинэ оҥорооччулар Култуура министиэристибэтин субсидиятын ылыахтарын сөп

СӨ култуураҕа уонна духуобунай сайдыыга министиэристибэтэ киинэ устууга субсидия ылыы куонкуруһун биллэрдэ. Бу туһунан министиэристибэ пресс-сулууспата иһитиннэрэр.

«Куонкурус пуондатын уопсай суумата – 20 мөлүйүөн солкуобайга тэҥнэһэр», – диэн этиллэр.

Субсидия ааптарыскай, дебютнай, анимационнай, документальнай киинэлэри, ону тэҥэ саха литературатын айымньыларынан уһуллубут киинэлэри оҥорууну түмүктээһиҥҥэ, прокатка таһаарыыга, киинэ тыйаатырдарыгар көрдөрүүгэ туһаайыллар айар-тутар бырайыактары олоххо киллэриигэ көрүллэр.

Ону таһынан судаарыстыбаннай субсидия Россия уонна тас дойдулар хампаанньаларын кытта бииргэ оҥоһуллубут бырайыактары киинэ бэстибээллэригэр уонна киинэ ырыынагар таһаарыыга көрүллүөн сөп.

Сайаапкалары тутуу ахсынньы 8 күнүгэр диэри «Сахафильм» хампаанньаҕа эрдэттэн суруттарыы нөҥүө ыытыллар.