Коронавируһунан ыалдьыбыт Саха сирин олохтооҕо таһыттан эмтэнэригэр босхо эмп ылыаҕа

Коронавируһунан ыалдьыбыт Саха сирин олохтооҕо таһыттан эмтэнэригэр  босхо эмп ылыаҕа. Бу туһунан «Якутия 24» ханаал иһитиннэрэр.

Бу туһунан бүгүн, атырдьах ыйын 11 күнүгэр, Ил Дархан Айсен Николаев өрөспүүбүлүкэҕэ эпидемиологическай балаһыанньаны билиһиннэрэр брифинигэр эттэ.

«Таһыттан эмтэнэр ыарыһахтар анаммыт эмтэринэн эмтэммэттэрэ кыһалҕаны үөскэтэр. Онон бүтэһик икки нэдиэлэҕэ таһыттан эмтэнэр ыарыһахтар эмтэрин босхо ылар буоллулар. Мантан сиэттэрэн, эмтэммэт киһи аҕыйаата», — диэн бэлиэтээтэ Айсен Николаев.

Ааспыт сууккаҕа 55 киһи коронавирустаабытын, Дьокуускайга 42 киһи ыалдьыбытын туһунан эрдэ «Якутия 24» ханаал иһитиннэрбитэ.