Коронавирустаабыт дьон поликлиникаттан бырааһы ыҥыраллара ирдэнэр

Коронавирус сибикилээх дьон поликлиникаттан бырааһы, оттон мөлтөөтөҕүнэ, суһал көмөнү ыҥырыан наада. Бу туһунан доруобуйа харыстабылын министиэристибэтин пресс-сулууспата иһитиннэрэр.

«Олорор сиринэн поликлиника бырааһа кэлэн көрөн баран, бэрээдэк быһыытынан эмтиир. Оттон суһал көмөҕө (03, 103, 112) эрийдэххэ, диспетчер ханнык биригээдэни ыытарын быһаарар: быраастары, биэссэрдэри эбэтэр уопсай биригээдэни. Суһал көмө быраастара эмп анаабаттар, ыспыраапка суруйбаттар.

Дьокуускай олохтоохторо маннык нүөмэринэн эрийиэхтэрин сөп: Дьокуускай медицинскэй киинэ – 500-003; 1-гы нүөмэрдээх поликлиника – 31-90-93; 2-с нүөмэрдээх Дьокуускай балыыһата – 21-96-95; 3-с нүөмэрдээх Дьокуускай балыыһата – 507-507; 3-с нүөмэрдээх Дьокуускай клиническэй балыыһата – 507-211. Ону таһынан «Облачная поликлиника» мобильнай сыһыарыы нөҥүө быраас көмөтүн ылыахха сөп.