Коронавирустаах норуот эмчитэ дьону эмтии сылдьыбыт

Ньурба улууһугар коронавируһунан ыалдьыбыт норуот эмчитэ дьону эмтии сылдьыбыт. Бу туһунан бүгүн, алтынньы 1 күнүгэр өрөспүүбүлүкэтээҕи суһал штаб салайааччытын солбуйааччыта, вице-премьер Ольга Балабкина иһитиннэрдэ.

«Ньурба улууһугар норуот эмчитэ тиийэн дьону эмтии сылдьыбыт. Кэлин коронавирустааҕа биллибит», — диэн Ольга Балабкина эттэ.

Бу киһини кытта алтыспыт дьон изоляцияламмыттара уонна бары COVID-19 аналиһын туттарбыттара этиллэр. Билигин Роспотребнадзор бигэргэтиитин күүтэллэр.