Коронавирустаан баран үлэтигэр кэлбит сиэстэрэни сууттаатылар

Коронавирустаах үлэтигэр кэлбит сиэстэрэни суут буруйдааҕынан быһаарбыт. Бу туһунан куорат суутун пресс-сулууспата иһитиннэрэр. «Балаҕан ыйын 17 күнүгэр куорат суутугар санитарнай-эпидемиологическай быраабыланы кэһии туһунан Холуобунай дьыала көрүлүннэ. Сууттанааччы буруйдааҕа быһаарылынна», – диэн иһитиннэриигэ этиллэр. Муус устар ыйга сиэстэрэ коронавирустаабытын быһаарбыттар. Суһал көмөнү ыҥырбыт, эмп анаабыттар. Киэһэ кыраадыһа тахсыбыт, ол туһунан старшай сиэстэрэҕэ биллэрэбит. Үлэҕэ тахсарын боппуттар. Ол эрээри сарсыныгар кини үлэлии кэлбит. Суукка сиэстэрэ буруйун билиммит. Кинини биэс тыһыынча солкуобайга ыстарааптаабыттар.