Коронавирустан үтүөрбүт 90-тан тахса киһи реабилитацияны ааста

Өрөспүүбүлүкэ 90-тан тахса коронавирустан үтүөрбүт олохтооҕо чөлгө түһэрэр эмтэниини ааста. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

«Абалаах өрөспүүбүлүкэтээҕи медицинэ киинигэр үс ый иһигэр 90-тан тахса киһи чөлүгэр түһэр эмтэниини ааста. Коронавирустан үтүөрбүт дьоҥҥо анаан «Чэбдик» санаторий-профилакторийга эбии ылан эрэбит», — диэн иһитиннэриигэ этиллэр.

Чөлгө түһэр эмтэниини пневмония ыарахан көрүҥүн аһарбыт, өр кэмҥэ ИВЛ аппараатыгар сыппыт дьон ааһар.

Манна аналлаах физкультура, физионан эмтээһин, илбийии, ыраас салгыҥҥа дьарык киирэр, уһуна 14-тэн 17 күҥҥэ диэри. Эмтэнэн чөлгө түһүү кууруһугар поликлиника терапевын этиитинэн, эбэтэр стационартан тута барыахха сөп.