Космонавт Алексей Леонов 86 сааһыгар олохтон туораата

Бүгүн, алтынньы 11күнүгэр, Сэбиэскэй Союз икки төгүллээх Геройа Алексей Леонов 86 сааһыгар олохтон туораата. Бу туһунан ТАСС иһитиннэрдэ.

«Алексей Архипович уһун ыарыыттан Бурденко аатынан госпитальга сытан, олохтон туораата», — диэн ааҕыныстыбаҕа кини көмөлөһөөччүтэ Наталья Филимонова эттэ.

Алексей Леонов — аһаҕас космоска көппүт бастакы киһи. Икки космическай көтүүнү оҥорон, уопсайа сэттэ суукка 33 мүнүүтэ сылдьыбыт уонна аан дойду үрдүнэн бастакытын аһаҕас космоска тахсыбыт (уопсай бириэмэтэ 23 мүнүүтэ 41 сөкүүндэ, онтон 12 мүнүүтэ 9 сөкүүндэтин хараабыл таһыгар сылдьыбыт).

Ону таһынан Алексей Леонов — 1-гы кылаастаах байыаннай лүөччүк (1965). 278 чаас көппүт, парашютунан 115-тэ ыстаммыт.

Филимонова этэринэн, космонавы тиһэх суолга атаарыы алтынньы 15 күнүгэр Московскай уобалас федеральнай байыаннай мемориальнай кылабыыһатыгар буолуоҕа.