«Красиво. ДВ» онлайн-фестивалга сахаларга 15,3 тыһыынча куолас биэрдилэр

«Красиво. ДВ» онлайн-фестивалга сахалар видео-үлэлэригэр 15,3 тыһыынча куолас биэрдилэр. Куоластааһын от ыйын 31 күнүгэр түмүктэммитэ.

Өрөспүүбүлүкэ олохтоохторо «Природа. ДВ», «Характер. ДВ», «Звуки. ДВ», «Сила. ДВ» уонна «Уникально. ДВ» анал ааттарга тоҕус үлэни көрдөрдүлэр. Куоластааһын түмүгүнэн хайысхаттан биирдии кыайыылаах куонкурус шорт-лииһигэр киириэ. Уһук Илин 11 өрөгөйүөнүттэн уопсайа 55 үлэ ааһыаҕа.

Куонкурус уопсай бирииһин пуондата биир мөлүөҥҥэ тэҥнэһэр. Ону сэттэ кыайыылаах үллэстиэ. Биэс анал аат хаһаайыттара 100-түү тыһыынчаны, дьүүллүүр сүбэ анал бирииһэ — 200 тыһынча солкуобай, оттон көрөөччү «Кылаан бириис» — 300 тыһыынча солкуобай. Фестиваль тэрийээччилэиринэн Уһук Илин сайдыытын пуондата уонна «Твой Дальний Восток» портал буолаллар.

Тэрийээччилэр киирбит куоластары бэрэбиэркэлииллэр. Түмүк атырдьах ыйын 3 күнүгэр биллиэҕэ.