«Культура» ханаалга Саха сирин туһунан документальнай киинэлэр көстүөхтэрэ

2021 сыл тохсунньу-олунньу ыйдарыгар «Культура» ханаалга Саха сирин олохтоохторун туһунан документальнай киинэлэр көстүөхтэрэ. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Федеральнай ханаал устар бөлөҕө 2020 сыл сайын Аллайыаха улууһугар үлэлээбит. Суруналыыстар «Земля людей» диэн биллэр документальнай киинэлэр цикларыгар анаан Русскай Устье туһунан документальнай кэпсээннэри устубуттар.

Киинэлэр премьернай көрдөрүүлэрэ тохсунньуга саҕаланар.

  • Тохсунньу16 күнүгэр Москва бириэмэтинэн 12.15 чаастан «Якуты» диэн киинэ көстөр;
  • Тохсунньу 30 күнүгэр 12.10 чаастан — «Русскоустьинцы» киинэ;
  • Олунньу 6 күнүгэр «Юкагиры» киинэ көстөрө былааннанар.