Култуура министиэристибэтэ «Земскэй култуура үлэһитэ» бырагырааманы олохтоһун боппуруостарын чинчийэр

Россия култуураҕа министиэристибэтэ «Земскэй култуура үлэһитэ» федеральнай бырагыраама боппуруостарын дьүүллэһэр. Бу туһунан ТАСС иһитиннэрэр.

«Биһиги «Земскэй быраас» уонна «Земскэй учуутал» курдук бырагыраамалар олоххо киириилэрин үөрэтэн баран, бырагыраамаҕа киириэхтээх боппуруостары дьүүллэһэбит. Ол кэннэ үп-харчы министиэристибэтин кытта бигэргэтиигэ ыытыахпыт», — диэн РФ култуураҕа миниистирин солбуйааччы Ольга Ярилова ааҕыныстыбаҕа иһитиннэрдэ.

Тыа сиригэр уонна кыра куораттарга култуура тэрилтэлэригэр испэсэлиистэри тардыы боппуруоһа сытыытык турарын бэлиэтээтэ.

«Билигин регионнарга култуура тэрилтэлэригэр 10 % үлэ миэстэтэ аһаҕас турар, онон бу быраһыраама олус суолталаах», — диэн Ольга Ярилова эттэ.

Бырагыраама үлэлиир болдьоҕо уонна үбүлээһинин кээмэйэ киирэр этиилэр үөрэтиллэн уонна дойду үп-харчы министиэристибэтигэр бигэргэтиллэн бүппүттэрин кэннэ чопчуланыаҕа.

Ахсынньы 26 күнүгэр ааспыт Федерация сэбиэтин мунньаҕын түмүгүнэн Россия бэрэсидьиэнэ Владимир Путин бырабыыталыстыбаҕа «Земскэй быраас» уонна «Земскэй учуутал» бырагыраамалар курдук, «Земскэй култуура үлэһитэ» бырагырааманы олоххо киллэрии тоҕоостооҕун туһунан боппуруоһу үөрэтэр туһунан соруйбута. Дакылаат 2020 сыл бэс ыйын 1 күнүгэр диэри бэлэм буолуохтааҕа ирдэнэр.

Бырагыраама идэ суолтатын улаатыннарар уонна култуура эйгэтигэр үлэһит тиийбэт буолуутун боппуруоһун быһаарар соруктаах.