Кулун тутар 27 күнүгэр фитнес-аэробикаҕа Саха сирин чемпионата Дьокуускайга ыытыллыаҕа

Кулун тутар 27 күнүгэр фитнес-аэробикаҕа өрөспүүбүлүкэ чемпионата уонна бастыыр иһин күрэхтэһии Арктика государственнай агротехнологическай университетын спортивнай саалатыгар ыытыллыаҕа. Бу туһунан физическай култуура уонна маассабай спорт управлениетын пресс-сулууспата иһитиннэрэр.

Күрэхтэһии аан дойдутааҕы спорт федерациятын, аэробика уонна фитнес быраабылаларынан ыытыллыаҕа. Күрэхтэһии сүрүн судьуйатынан регион фитнес- аэробикатын федерациятын толорооччу дириэктэрэ Лилия Дмитриева ананна.

Спортсменнар түөрт сааһынан арахсан күрэхтэһиэхтэрэ – улахан дьон, юниордар, кадеттар уонна мини-кадеттар. Уопсайа 150 спортсмен кыттара күүтүллэр.

Алдан, Мэҥэ- Хаҥалас, Таатта, Уус- Алдан, Бүлүү, Жатай уонна Дьокуускай хамаандалара кыттыыны ылаллара эрдэттэн биллэр.