Кулун тутар 28 күнүттэн муус устар 5 күнүгэр диэри устудьуоннарга каникул биллэрилиннэ

Коронавирус тарҕаныытын сэрэтэр миэрэлэринэн сибээстээн кулун тутар 28 күнүттэн муус устар 5 күнүгэр диэри Россия устудьуоннара каникулга ыытыллыахтара. Бу туһунан ТАСС иһитиннэрэр.

«Россия наукаҕа уонна үрдүк үөрэххэ министиэристибэтин салалтатынан үлэлиир үрдүк үөрэх уонна эбии үөрэхтээһин бырагыраамаларын ыытар үөрэх кыһаларын салайааччыларыгар кулун тутар 28 күнүттэн муус устар 5 күнүгэр диэри үөрэнээччилэргэ каникул биллэрэргэ бирикээстиибин», — диэн миниистир Валерий Фальков эттэ.

Министиэристибэ иитинэн үлэлээбэт үөрэх кыһаларыгар бу миэрэлэр сүбэлээһин быһыытынан этиллэллэрэ бэлиэтэнэр.

Иниики этиллибитинэн, дойду бэрэсидьиэнэ Владимир Путин кулун тутар 30 күнүттэн муус устар 3 күнүгэр диэри Россия үрдүнэн төлөнөр хамнастаах өрөбүл нэдиэлэтин биллэрэр туһунан ыйааҕы бигэргэппитэ.