Куорат тэрилтэлэрэ санитарнай бэрээдэги тутуһалларын бэрэбиэркэлээтилэр

Дьокуускай куорат 85 тэрилтэтин санитарнай ирдэбили төһө тутуһалларын бэрэбиэркэлээтилэр. Олортон тоҕус тэрилтэҕэ быраабыланы кэһии тахсыбытын быһаардылар. Бу туһунан куорат дьаһалтатын пресс-сулууспата иһитиннэрэр. Барыларын кытары профилактическай кэпсэтии ыытылынна.

Ол курдук, «Ураса Молл» атыы-эргиэн киинигэр «Indefini», «Pyjam-House», «Kari», «Gloria Jeans» маҕаһыыннарга социальнай дистанцияны тутуспатахтар. «Оригинал» атыы-эргиэн киинигэр «Color bar» кэрэ сэбэрэ салонугар, ону таһынан «Белое озеро» атыы-эргиэн киинигэр санитарнай ыраастааһын сурунаала уонна температура учуотун тэтэрээтэ суох эбит.

«Эконом», «Розтор» маҕаһыыннарга, «Japancity» мото-кииҥҥэ, «У мосточка», «Купцов дом», «Хозмаркете», «Маганский», «Созвездие», «Вега», «Успех» маҕаһыыннарга санитарнай ирдэбили тутуһан үлэлииллэрин бигэргэппиттэр.