Кыһыҥҥы муус суолунан сырыы уйугун үрдэттилэр

Тохсунньу 15 күнүттэн «Дьокуускай — Аллараа Бэстээх» хайысханан кыһыҥҥы муус суолунан сырыы уйуга 30 тоннаҕа диэри үрдэттилэр. Бу туһунан «Бүлүү» федеральнай суол управлениетын пресс-сулуспата иһитиннэрэр. 

Ону тэҥэ «Бүлүү» федеральнай айан суолун 660 килэмиэтиригэр (Үөһээ Бүлүү) уонна 807 килэмиэтиригэр (Күндээдэ) Бүлүү өрүһү туоруур муус суолунан сыры 40 тоннаҕа диэри ыйааһыннаах массыыналарга көҥүллэннэ.

«Бүлүү» федеральнай суол управлениета суоппардары сырыы көҥүллэммит уйугун кэспэттэригэр уонна суол быраабылаларын тутуһалларын сүбэлиир.