Кыһыл Сыырга ЯТЭК үлэһиттэрин микрооройуона тутуллуоҕа

Бүлүү улууһун Кыһыл Сыыр бөһүөлэгэр ЯТЭК хампаанньа үлэһиттэригэр анаан саҥа микрооройуон тутуллар. Бу туһунан өрөспүүбүлүкэ бырабыыталыстыбатын бэрэссэдээтэлин солбуйааччытын эбээһинэһин толорооччу Кирилл Бычков бүгүн, атырдьах ыйын 7 күнүгэр иһитиннэрдэ.

«Хампаанньа бэйэтин үлэһиттэрин олохтооһуҥҥа улахан болҕомтону ууруар. Үлэһиттэргэ анаан элбэх кыбартыыралардаах уонна туспа биирдиилээн дьиэлэрдээх микрооройуон тутуллар. Өрөспүүбүлүкэ салалтатын иннигэр турар соругунан хампаанньалар улахан былааннарын ситиһии көмөтүнэн бөһүөлэктэри сайыннарыы уонна кэҥэтии буолар», – диэн вице-премьер э.т. эттэ.

Үлэ сырыытын кэмигэр Кирилл Бычков бөһүөлэк социальнай-экономическэй сайдыытын былаанын көрдө-иһиттэ. Былаан олоххо киириитин ситэргэ ЯТЭК хампаанньаҕа үлэлиир олохтоохтор суолталаах боппуруостарын кытта билсии буолла.

«Биһиги тэрилтэ үлэтин араас өттүттэн билэр, оҥорон таһаарар чаас уонна диспетчерскэй сулууспа үлэһиттэрин кытта көрүстүбүт. Кинилэри уунан хааччыйыы, социльнай эбийиэктэр, тутуу ыытыллыытын, суол кыһалҕатын уонна да атын боппуруостар долгутар», – диэн бэлиэтээтэ.

Маны таһынан вице-премье э.т. оскуолаҕа уонна доруобуйа харыстабылын тэрилтэтигэр сырытта. Доруобуйа харыстабылын боппуруоһа суһал быһаарыыны ирдиирин уонна тэрилтэни саҥардыы кылгас кэм иһигэр ааһыахтааҕын тоһоҕолоото.