«Кыайыы күнэ» ырыа аан маҥнайгытын сахалыы толорулунна

Саха сирин артыыстара уонна уопсастыбанньыктара «Кыайыы күнэ» ырыаны аан маҥнайгытын сахалыы толордулар. Бу туһунан «Биир ньыгыл Россия» баартыйа өрөспүүбүлүкэтээҕи салаатын пресс-сулууспата иһитиннэрэр.

«Саха тылыгар тылбаас саамай ыарахан соругунан ырыа сүрүн санаатын уонна ис хоһоонун уларыппакка тириэрдии буолар», – диэн суруйааччы уонна суруналыыс Афанасий Гуриновй-Арчылаан кэпсээтэ.

Ааптардар, тыл билимин доктора Варвара Окорокова уонна суруйаааччы, тылбаасчыт Валентина Комиссарова-Күлүмүрэ хас биирдии тылы кичэйэн толкуйдаатылар. Композитор Кирилл Герасимов уонна артыыс Алексей Егоров бэйэлэрин кылааттарын киллэрдилэр.

«Кыайыы күнэ» ырыаны артыыстар — Алексей Егоров-Өркөн, Мирослав Егоров, Дарья Лаврова, Саха сирин филармониятын симфоническэй хуорун артыыстара Акулина уонна Александр Луценколар, Дмитрий Кырдал уонна Дмитрий Никифоров – Келлер, СӨ ыччат дьыалаларынан миниистирэ Степан Саргыдаев, баартыйа уопсастыбанньыга Саргылана Неустроева, муузука учуутала Мария Баина, учуутал Егор Евдокимов, култуура үлэһитэ Сергей Максимов, устудьуоннар — Сардана Бочкарева, Нина Захарова уо.д. а. толордулар.