Кыра куораттар граннарын пуондата 10 миллиардка диэри улаатыа

Россия бэрэсидьиэнэ Владимир Путин кыра куораттар граннарыгар туһаайыллар пуонда биэс миллиард солкуобайтан, 10 миллиард солкуобайга диэри үрдүөҕэ диэн иһитиннэрдэ. Бу туһунан ТАСС тириэрдэр.

«Бырабыыталыстыба бэрэссэдээтэлин этиитинэн гырааннары биэс миллиард солкуобайтан, 10 миллиард солкуобайга диэри икки төгүл улаатыннарыахпыт. Россия 86 %-на кыра куораттартан турар. Кинилэр регион таһымыгар үлэлииллэр уонна көмөнөн туһаналлар», — диэтэ кини.

Дойду кыра куораттарыгар 30 мөлүйүөн киһи олорорун туһунан бэрэсидьиэн бэлиэтээтэ.

Кыра куораттарга сылдьарга тоҕоостоох эйгэни тэрийии бастыҥ бырайыактарын Россиятааҕы куонкурус дойду бэрэсидьиэнэ Владимир Путин соругунан 2018 сылтан ыытыллар.

Икки сыл иһигэр экспертэр 160 бастыҥ бырайыагы талбыттара. Билигин дойду 63 регионугар ити бырайыактар олоххо киллэриллэллэр. Түмүк түһүмэххэ тахсыбыт бырайыактар сквердэри, пааркалары, болуоссаттары уонна уулуссалары оҥорууга 30 мөлүйөн солкуобайтан 100 мөлүйөн солкуобайга диэри гырааны сүүйбүттэрэ.

Санатан эттэххэ, Верхоянскай куората кыра куораттарга сылдьарга тоҕоостоох эйгэни тэрийии бырайыактарын бүтүн Россиятааҕы куонкурсугар кыайбыта уонна «Үһүйээн» скверы тутуутугар 44,5 мөлүйүөн солкуобай кээмэйдээх грааны сүүйбүтэ.